Барааны тэмдэг, газарзүйн заалтын мэдүүлэг гаргах, шүүлт хийх, тэдгээрийг бүртгэх, улсын бүртгэл хөтлөх, тэдгээрт өөрчлөлт оруулах журам

Маягт-01 Барааны тэмдэг, газар зүйн заалт бүртгүүлэх тухай өргөдөл

Маягт-02 Итгэмжлэл

Маягт-07 Эсэргүүцэл

Маягт-13 Барааны тэмдгийн бүртгэлийн хүчинтэй байх хугацааг сунгуулах тухай хүсэлт

Маягт-15 Эзэмшигчийн мэдүүлэг гаргагчийн нэр, хаягийн өөрчлөлт хийлгэх тухай

Маягт-17 Эзэмшигч мэдүүлэг гаргагч өөрчлөх тухай хүсэлт

Маягт-19 Бараа, үйлчилгээний ангилал болон нэрсийн жагсаалтаас хасалт хийлгэх тухай

Маягт-20 Эрх шилжүүлэх акт

Газар зүйн заалтын мэдүүлэг гаргах 
Тухайн газар нутагт түүнээс хамаарах онцлог шинж чанартай бараа үйлдвэрлэдэг иргэн, хуулийн этгээд нь газар зүйн заалтыг бүртгүүлэх мэдүүлгийг оюуны өмчийн байгууллагад гаргах бөгөөд мэдүүлэгт дараахь зүйлийг тусгана: 
1. Газар зүйн заалт бүртгүүлэх тухай хүсэлт / Мэдүүлгийн маягт нь барааны тэмдгийн мэдүүлгийн Маягт БТ-01 маягт бөгөөд зааврын дагуу бөглөсөн байх. Мэдүүлгийн маягтын “Тэмдэг бүртгүүлэх тухай хүсэлт” буюу 1-р хэсгийг бөглөхдөө “Газар зүйн заалт” гэсний доогуур зурж тэмдгэлсэн байх Мэдүүлгийн маягтыг Оюуны өмчийн газрын www.ipom.gov.mn вэб сайтаас авч бөглөнө/
2. Мэдүүлэг гаргагч иргэн бол мэдүүлэг гаргагчийн овог, эцэг /эх/-ийн нэр, өөрийн нэр, хаяг, харъяалал, байнга оршин суудаг буюу үйлдвэрлэл явуулдаг улсын нэр; 
3. Мэдүүлэг гаргагч хуулийн этгээд бол түүний оноосон нэр, хаяг, зохион байгуулалтын хэлбэр; 
4. Мэдүүлэг гаргагч итгэмжлэгдсэн төлөөлөгчтэй байвал түүний овог, эцэг /эх/-ийн нэр, өөрийн нэр, хаяг ; 
5. Газар зүйн заалтын нэр; 
6. Тухайн газар нутгийн газар зүйн байршил; 
7. Барааны нэр; 
8. Барааны онцлог шинж чанарын тодорхойлолт болон газар зүйн нөхцөл, хүмүүсийн дадал заншилтай хэрхэн холбогдсон тухай тайлбар.
9. Газар зүйн заалтын нэрийг 7 х 5 см хэмжээтэйгээр хэвлэх
10. Ажил үйлчилгээний хураамж / төгрөгийг Төрийн сан дахь  ОӨГ /100900066431/ тоот дансанд төлж төлсөн баримт  зэргийг бүрдүүлнэ.

 
Газар зүйн заалтын мэдүүлэгт дараахь зүйлийг хавсаргана: 
1. тухайн газар нутагт үйлдвэрлэл эрхэлдгийг нотолсон аймаг, нийслэлийн Засаг даргын Тамгын газрын тодорхойлолт; 
2. мэдүүлгийг гадаадын иргэн, хуулийн этгээд гаргаж байгаа бол тухайн газар зүйн заалтыг уг бараа анх үүссэн, эсхүл анх үйлдвэрлэгдсэн улс, бүс, газар нутагт хамгаалагдсаныг нотолсон баримт; 
3.мэдүүлгийг дотоодын хуулийн этгээд гаргаж байгаа бол улсын бүртгэлийн гэрчилгээний нотариатаар гэрчлүүлсэн хуулбар.

Жич: -Оюуны өмчийн байгууллага нь мэдүүлгийн анхдагч огнооноос хойш 12 сарын дотор шүүлтийн дүгнэлтэд үндэслэн барааны тэмдгийг бүртгэх эсэх талаар шийдвэр гаргах бөгөөд шаардлагатай гэж үзвэл энэ хугацааг 6 сар хүртэл хугацаагаар сунгаж болно.

/ Лавлах утасны дугаар 316454/ 

“Барааны тэмдэг, газар зүйн заалтын туай” хуулиас:
Энэ хуульд хэрэглэсэн дараахь нэр томъёог дор дурдсан утгаар ойлгоно 
3.1.4. “газар зүйн заалт” гэж тухайн барааны чанар, нэр хүнд, онцлог бусад шинж чанар нь түүний газар зүйн гарал үүсэлтэй салшгүй холбоотойг илэрхийлсэн, тус барааг үйлдвэрлэсэн улс, бүс, газар нутгийн газар зүйн нэрийг
3.1.1. “барааны тэмдэг” гэж үйлдвэрлэл үйлчилгээ эрхэлдэг иргэн, хуулийн этгээд өөрийн бараа, үйлчилгээг бусдын бараа, үйлчилгээнээс ялгах зорилгоор хэрэглэх ялгагдах чадвартай илэрхийллийг 
3.1.2. “хамтын тэмдэг” гэж үйлдвэрлэл, үйлчилгээ эрхлэгчид нэгдсэн хяналтын дор ашиглах барааны тэмдгийг 
3.1.3. “гэрчлэх тэмдэг” гэж тухайн бараа, үйлчилгээний чанар, үйлдвэрлэх арга, бусад онцлог шинж чанарыг тэмдэг эзэмшигч гэрчлэн бусад этгээдэд ашиглуулах барааны тэмдгийг 
25.1. Газар зүйн заалтын бүртгэлийн хүчинтэй байх хугацаа нь гагцхүү тухайн барааны онцлог шинж чанар нь тухайн газар зүйн нөхцөл, хүмүүсийн дадал заншилтай шууд холбоогүй болсон тохиолдолд дуусгавар болно