Монгол Улсын Засгийн Газрын хэрэгжүүлэгч агентлаг

МУЗГ

Оюуны Өмчийн
газар

ОЮУНЫ ӨМЧИЙН ГАЗРААС ДОРНОД, СҮХБААТАР, ХЭНТИЙ АЙМГИЙН ТЕАТР, МУЗЕЙ, ТЕЛЕВИЗҮҮДИЙН ҮЙЛ АЖИЛЛАГААНД ШАЛГАЛТ ХИЙЛЭЭ.

  • 2020-08-24
  • 130

Оюуны өмчийн газрын 2020 оны үйл ажиллагааны төлөвлөгөөний дагуу Дорнод, Сүхбаатар, Хэнтий аймгийн музей, театр, телевизүүдийн үйл ажиллагаанд 2020 оны 06 дугаар сарын 09-ний өдрийн 05 тоот удирдамжийн дагуу Монгол Улсын нэгдэн орсон “Оюуны өмчийн Олон улсын гэрээ”, “Утга зохиол, урлагийн бүтээлийг хамгаалах тухай Бернийн конвенц”, “Зохиогчийн эрх болон түүнд хамаарах эрхийн тухай хууль”-ийн хэрэгжилтийн талаар хяналт, шалгалтыг 2020 оны 07 дугаар сарын 19-26-ны өдрүүдэд хийлээ.

Уг шалгалтад Дорнод аймгийн музей, Алтан гадас одонт хөгжимт драмын театр, Сүхбаатар аймгийн Угсаатны зүйн музей, “Жаахан шарга” хөгжимт бүжгийн театр, Хэнтий аймгийн “Хан Хэнтий” чуулга, Аймгийн музей зэрэг нийт 6 байгууллагыг хамрууллаа.

дэлгэрэнгүй ...

ОЮУНЫ ӨМЧИЙН ГАЗРЫН ДАРГА Ц.АЗБАЯР ДУУ БИЧЛЭГ БҮТЭЭГЧДИЙН ҮНДЭСНИЙ ТӨВИЙН ТЭРГҮҮН Б.ЛХАГВАСҮРЭНГ ХҮЛЭЭН АВЧ УУЛЗЛАА.

  • 2020-08-20
  • 200

Оюуны өмчийн газрын дарга Ц.Азбаяр Дуу бичлэг бүтээгчдийн үндэсний төвийн тэргүүн Б.Лхагвасүрэнг хүлээн авч уулзлаа.

Уулзалтын үеэр тус холбооны үйл ажиллагаа болон тулгамдаж буй асуудлуудын талаар санал солилцож, цаашид хэрэгжүүлэх ажлын төлөвлөгөөгөө ярилцлаа.
Тус газраас  хамтын удирдлагын байгууллагуудыг чадавхижуулах тал дээр дэмжлэг үзүүлэн хамтран ажиллахаар боллоо.

ТАНЫ БҮТЭЭЛЧ СЭТГЭЛГЭЭ - АМЖИЛТЫН ҮНДЭС

  • 2020-08-20
  • 187

Зохиогчийн эрхээр хамгаалагдсан бүтээлийг зохиогч, эрх эзэмшигчийн зөвшөөрөлгүй ашигласан тохиолдолд Эрүүгийн хууль болон Зөрчлийн тухай хуулиар хариуцлага хүлээнэ.

  • 2020-08-19
  • 70

ОЮУНЫ ӨМЧИЙН ГАЗРЫН ДАРГА Ц.АЗБАЯР КИНО УРАН БҮТЭЭЛИЙГ ХАМГААЛАХ ХОЛБООНЫ ТЭРГҮҮН Д.СУМХҮҮ, ГҮЙЦЭТГЭХ ЗАХИРАЛ Д.ТӨГСӨӨ НАРЫГ ХҮЛЭЭН АВЧ УУЛЗЛАА.

  • 2020-08-19
  • 84

Оюуны өмчийн газрын дарга Ц.Азбаяр 8 дугаар сарын 18-ны өдөр Кино уран бүтээлийг хамгаалах холбооны тэргүүн Д.Сумхүү, гүйцэтгэх захирал Д.Төгсөө нартай уулзлаа.

Уулзалтын үеэр тус холбооны үйл ажиллагаа болон тулгамдаж буй асуудлуудын талаар санал солилцож, цаашид хэрэгжүүлэх ажлын төлөвлөгөөгөө ярилцлаа.
Мөн хамтын удирдлагын байгууллагуудыг чадавхижуулах тал дээр дэмжлэг үзүүлэн хамтран ажиллахаар боллоо.

Оюуны өмчийн газрын дарга нарын цахим уулзалт болж байна

  • 2020-07-23
  • 161

Дэлхийн оюуны өмчийн байгууллагаас жил бүр зохион байгуулдаг “Ази, Номхон далайн бүсийн орнуудын Оюуны өмчийн газрын дарга нарын уулзалт”-ыг 2020 оны 7 сарын 23-ны өдөр цахим хэлбэрээр зохион байгууллаа. Цар тахлын нөхцөл байдалтай холбогдуулан зохион байгуулалтын хэлбэрээ өөрчилсөн уг уулзалт “Гэрээсээ оюуны өмчийн асуудлаар” сэдвийн хүрээнд явагдсан бөгөөд ДОӨБ-ын Ази, Номхон далайн бүсийн орнуудын газар болон бүс нутгийн зарим орнууд 2020 онд үйл ажиллагааны чиглэл, ажиллах горимоо үүссэн нөхцөлтэй хэрхэн уялдуулж буй тухайгаа танилцуулсан юм. Түүнчлэн Беркли дэх Калифорнийн их сургуулийн Хаас Бизнесийн сургуулийн багш Алекс Будак “Өөрчлөлтийг бий болгох нь” сэдвээр оролцогчдод зориулж лекц танилцуулав.

Мөн хуралд Сингапур Улсын Оюуны өмчийн газрын дарга бөгөөд ДОӨБ-ын Ерөнхий Захирлын үүрэгт ажлыг гүйцэтгэхээр сонгогдсон ноён Дарен Тан оролцож, хурлын үйл ажиллагаанд амжилт хүсч, цаашдын хамтын ажиллагааны талаар санал солилцсон үр дүнтэй хурал боллоо.

Цахим хурал 7 дугаар сарын 30-ны өдөр мөн үргэлжилнэ. 

ЗОХИОГЧИЙН ЭРХИЙН БАЙГУУЛЛАГУУДЫН ЦАХИМ ХУРАЛ БОЛЛОО

  • 2020-07-23
  • 139

“Монгол, Орос, Хятад, Солонгос Улсын Зохиогчийн эрхийн газруудын харилцан зөвлөлдөх уулзалт” 2020 оны 7 дугаар сарын 22-ны өдөр цахим хэлбэрээр зохион байгуулагдлаа. Хурлыг нээж Дэлхийн оюуны өмчийн газрын Зохиогчийн эрхийн хөгжлийн хэлтсийн захирал Гао Хан болон БНСУ-ын Соёл, спорт, аялал жуулчлалын яамны Соёлын худалдаа, хамтын ажиллагааны газрын захирал Чой Ён Жин нар үг хэлэв. 2013 оноос хойш зохион байгуулагдаж буй уг хурлыг ОХУ хүлээн авч 2020 оны 4 дүгээр сард зохион байгуулахаар төлөвлөж байсан боловч цар тахлын улмаас хойшлогдоод байсан юм. Хурлын үеэр талууд өнгөрсөн нэг жилийн хугацаанд зохиогчийн эрхийн чиглэлээр хийж хэрэгжүүлсэн томоохон ажлууд болон цар тахлын нөхцөлд үйл ажиллагааныхаа хэвийн байдлыг хэрхэн ханган ажиллаж байгаа туршлагаасаа хуваалцлаа.

 

Дэлхийн оюуны өмчийн байгууллагын “Дуу авиа бүхий дүрст тоглолтын тухай Бээжингийн гэрээ” 2020 оны 4 дүгээр сарын 28-ны өдрөөс эхлэн хүчин төгөлдөр болсонтой холбогдуулан БНХАУ Зохиогчийн эрхийн тухай хуулиндаа нэмэлт өөрчлөлт оруулсан, БНСУ уг олон улсын гэрээнд нэгдэн орох бэлтгэлийг хангаж, хуулийг хэлэлцүүлэх түвшинд хүрсэн ба БНХАУ “Хараагүй, харааны бэрхшээлтэй, эсхүл хэвлэмэл бүтээл унших бэрхшээлтэй хүмүүст зориулан хэвлэн нийтлэгдсэн бүтээлийг хүртээмжтэй болгох тухай Марракешийн гэрээ”-нд нэгдэн орохоор ажиллаж, ОХУ уг Марракешийн гэрээнд нийцүүлэн дотоодын хууль тогтоомжоо өөрчлөхөөр ажиллаж байна.

Цар тахлын нөхцөл байдалтай холбогдуулан оролцогч талууд цахим сургалт, бүртгэл руу шилжсэн төдийгүй зайны сургалтын үеэр зохиогчийн эрхийн зөрчлөөс сэргийлэх зөвлөмж хүргүүлэн ажилласан байна. ОХУ-д үзвэр үйлчилгээ, соёл урлагийн байгууллагуудын үйл ажиллагаа цахимд шилжиж үндэсний хэмжээний томоохон арга хэмжээ болох “Театрын өдөр”, “Музейн үдэш”-ийг цахимаар зохион байгуулсан тухай мэдээлсэн. Албаны судалгаагаар тус улсын таван хүн тутмын нэг нь цахим музейгээр зочилсон тоо баримт гарсан байна.

ХУУЛЬ ЗҮЙ, ДОТООД ХЭРГИЙН САЙД Х.НЯМБААТАР ОЮУНЫ ӨМЧИЙН ГАЗРЫН ҮЙЛ АЖИЛЛАГААТАЙ ТАНИЛЦЛАА

  • 2020-07-20
  • 190

УИХ-ын гишүүн, Засгийн газрын гишүүн, Хууль зүй, дотоод хэргийн сайд Х.Нямбаатар, Хууль Зүй, Дотоод Хэргийн Дэд Сайд С.Баатаржав нар өнөөдөр Оюуны өмчийн газрын үйл ажиллагаатай танилцаж, албан хаагчидтай уулзлаа.

Уулзалтын үеэр ХЗДХ-ийн сайд Х.Нямбаатар Монгол Улсын Засгийн газрын бодлого, мөрийн хөтөлбөр, зорилтыг биелүүлэхэд алба хаагчдын үүрэг оролцоо чухал гэдгийг онцлоод цаашид салбарын хэмжээнд тулгамдаж буй асуудлуудыг бодлогын баримт бичигт тусгуулах талаар анхааран ажиллахаа илэрхийллээ.

Мөн төрийн албаны ёс зүй, сахилга, хариуцлагыг дээшлүүлэх, албан хаагчдын ажлын ачааллыг тэнцвэржүүлэх зэрэг бодлогын болон үндсэн чиг үүргийн талаар тодорхой үүрэг өгч ажиллаа.

Уулзалтын төгсгөлд алба хаагчдын санал, хүсэлтийг сонсож, нийт албан хаагч нарт ажлын амжилт хүслээ

ДЭЛХИЙН ОЮУНЫ ӨМЧИЙН БАЙГУУЛЛАГАТАЙ ВИДЕО ХУРАЛ ХИЙЛЭЭ.

Оюуны өмчийн газрын дарга Ц.Азбаяр Дэлхийн оюуны өмчийн байгууллагын Ази, Номхон далайн бүсийн орнуудын газрын дарга Андрью Онг болон тус газрын зөвлөх Дэвид Симмонс нартай 2020 оны 6 дугаар сарын 30-ны өдөр видео хурал хийлээ.

Хурлын үеэр талууд цар тахлын нөхцөлд үйл ажиллагааны хэвийн байдлыг хэрхэн ханган ажиллаж байгаа талаарх мэдээлэл солилцож, хоёр талын төсөл, хөтөлбөрийн хэрэгжилтийн байдал, цаашдын хамтын ажиллагааны чиглэлийн талаар ярилцлаа.

Уг видео хурлын үеэр 7 дугаар сард зохион байгуулагдах Ази, Номхон далайн бүсийн орнуудын Оюуны өмчийн газрын дарга нарын анхны виртуал хурал (eHIPOC)-ын бэлтгэл, хурлын үеэр хэлэлцэх асуудлуудын талаар санал солилцлоо.

Дэлхийн оюуны өмчийн байгууллагаас жил бүр зохион байгуулдаг Ази, Номхон далайн бүсийн орнуудын Оюуны өмчийн газрын дарга нарын уулзалт 2020 онд “Гэрээсээ оюуны өмчийн асуудлаар” сэдвийн хүрээнд 2020 оны 7 дугаар сарын 23 болон 7 дугаарын сарын 30-ны өдрүүдэд зохион байгуулахаар бэлтгэж байна.

АМИН ХУВИЙН ХЭРЭГЦЭЭНД, АШИГ ОЛОХ ЗОРИЛГОГҮЙГЭЭР ХЭН Ч, ХААНААС Ч ТУХАЙН УРАН БҮТЭЭЛИЙГ СОНСОЖ, ДУУЛАХ ЭРХТЭЙ.

  • 2020-07-01
  • 161

ОЮУНЫ ӨМЧИЙН ИТГЭМЖЛЭГДСЭН ТӨЛӨӨЛӨГЧИЙН АЖИЛЛАХ ЖУРМЫН ТӨСЛИЙН ХЭЛЭЛЦҮҮЛЭГ АМЖИЛТТАЙ ЗОХИОН БАЙГУУЛАГДЛАА.

  • 2020-06-16
  • 269

Оюуны өмчийн тухай хууль хэрэгжихтэй холбоотойгоор оюуны өмчийн итгэмжлэгдсэн төлөөлөгчийн ажиллах журмын төслийг боловсруулан, эрх, хууль ёсны ашиг сонирхол нь хөндөгдөх бүлгийн хүрээнд буюу итгэмжлэгдсэн төлөөлөгчдийн хүрээнд хэлэлцүүлгийг зохион байгуулж, санал солилцлоо.

дэлгэрэнгүй ...

“ТӨРИЙН ӨМЧИЙН ХӨРӨНГӨӨР БҮТЭЭГДСЭН ЗОХИОГЧИЙН ЭРХИЙН БҮТЭЭЛҮҮД” СЭДЭВТ ХЭЛЭЛЦҮҮЛЭГ АМЖИЛТТАЙ БОЛЖ ӨНДӨРЛӨЛӨӨ.

  • 2020-06-10
  • 173

Оюуны өмчийн газраас санаачлан Зохиогчийн эрх болон түүнд хамаарах эрхийн тухай хуулийн хэрэгжилтийг хангах чиг үүргийнхээ хүрээнд 1993 оноос өмнө төрийн өмчийн хөрөнгөөр бүтээгдсэн зохиогчийн эрхийн бүтээлийн талаарх хэлэлцүүлгийг 2020 оны 6 дугаар сарын 10-ны өдөр зохион байгууллаа.

Тус хэлэлцүүлэгт Архивын ерөнхий газар, Төрийн өмчийн бодлого, зохицуулалтын газар, Монголын Үндэсний олон нийтийн радио телевиз, Монгол кино нэгтгэл ТӨҮГ, Харилцаа холбооны зохицуулах хороо, Шинжлэх ухааны академи, Улсын дуурь бүжгийн эрдмийн театр, Улсын драмын эрдмийн театр зэрэг холбогдох байгууллагын төлөөллүүд оролцлоо.

Хэлэлцүүлгийн явцад дор дурдсан 5 асуудлын хүрээнд санал солилцож дараах шийдвэрүүдийг гаргалаа. Үүнд:
1. 1993 оноос өмнөх төрийн өмч хөрөнгөөр бүтээгдсэн зохиогчийн эрх болон түүнд хамаарах эрхийн бүтээлийн өмчлөгч нь төр байна
2. 1993 оноос өмнөх төрийн өмч болох бүтээлийн эзэмшигчийг Төрийн өмчийн бодлого, зохицуулалтын газар тогтоож шийдвэр гаргах
3.Төсвийн хөрөнгөөр бүтсэн 1993 оноос өмнөх бүтээлүүдийн нэгдсэн тооллого хийх, мэргэжлийн байгууллагуудыг оролцуулж, санал асуулга судалгаа хийж, маягт гарган журам боловсруулж, нэгдсэн цахим сантай болох
4. Төрийн эзэмшлийн Зохиогчийн эрхийн бүтээлийг төлбөртэй болон төлбөргүй ашиглуулах талаар холбогдох баримт бичигт тусгах /хууль, дүрэм, журам, тогтоол/
5. 1993 оноос хойш төрийн өмчийн хөрөнгөөр бүтээгдсэн зохиогчийн эрхийн бүтээлийн эзэмшигчийн асуудлыг тодорхойлох зэрэг шийдвэрүүдийг гаргаж цаашид энэ асуудлаар хамтран ажиллахаар боллоо.

Хуудас:  1   2   3   4   5   6  .... (нийт 149 мэдээ )

IPOM Publish

АҮ-ийн өмчийн мэдээллийн сан

IPOM e-Filing System

Цахим мэдүүлэг

IPOM COPYRIGHT

Зохиогчийн эрхийн хайлтын систем

MGS

Бараа үйлчилгээний ангилал

Мэдээлэл сэтгүүл

Оюуны өмч

Технологи ба Инновацийг Дэмжих төв (TISC)

Хамтын Удирдлагын Байгууллага

Оюуны өмчийн итгэмжлэгдсэн төлөөлөгчид

Итгэмжлэгдсэн төлөөлөгчийн холбоо

Байршил: БЗД 3-р хороо, этө-30

Зохиогчийн эрхийн хэлтэс-329273

Аж үйлдвэрийн өмчийн хэлтэс-316454

Хяналтын хэлтэс-329671

Бичиг хэрэг-327638

И-мэйл илгээх

Вэб холбоос

Copyright © 2018